Програм шинэчлэл (upgrade) хэзээ хийх вэ?
Манай байгууллагын зүгээс сар бүр шинэ хувилбар гаргадаг боловч харилцагч байгууллагын хувьд онц шаардлагагүй бол сар бүр шинэчлэлт хийх шаардлагагүй. Учир нь тухайн байгууллагын ашиглаж байгаа системүүдийн тоо, дэд системүүд зэргээс хамаараад шинэчлэл нь томоохон хэмжээний ажил болох боломжтой болдог. Ялангуяа олон системүүдийг олон компани дээр ашигладаг байгууллагын хувьд жилдээ 2-3 удаа л шинэчлэл хийвэл зохимжтой. Шинэчлэл хийх шаардлагатай үе нь дараах төрлүүдэд хуваагдана:
Гол системүүдэд томоохон өөрчлөлт орсон үед
Манай шинэ хувилбарын шинэ боломжийн мэдээллүүдэд нэлээн т ом хэмжээний шинэчлэлт орсон бол шинэчлүүлэх шаардлагатай. Жишээ нь хуулийн өөрчлөлттэй холбоотой сайжруулалт орсон бол шинэчлүүлэх шаардлагатай.
Програм дээр ямар нэг алдаа гарч, хөгжүүлэлтийн багаас шинэчлэх шаардлагатай гэж мэдээлэл өгсөн үед
Тухайн ашиглаж буй системүүдийн хувилбарын зөрүүнээс хамаарч ямар нэг алдаа гарах үе байдаг. Энэ үед системүүдээ шинэчлүүлэх шаардлага үүсдэг.
Шинэ боломжийг яаралтай ашиглах хэрэгцээтэй үед
Танай байгууллагаас санал хүсэлтээр өгсөн ажил нь хийгдээд орсон тухай мэдээлэл нь шинэ хувилбарын мэдээлэлд орсон бол дуудлагын төв рүү програм шинэчлүүлэх хүсэлтээ өгч шинэчлүүлнэ.
Шинэчлэл хийлгээгүй хэт их удсан үед
Програм нь шинэчлэл хийхгүй байсан ч ажиллагааны хувьд хэвийн байх боломжтой. Гэхдээ шинэчлэл огт хийлгэлгүй жил хүртэл явсан бол заавал шинэчлүүлэх нь зүйтэй. Учир нь системүүд дээр жижиг хэмжээний засвар сайжруулалт, өөрчлөлтүүд, алдаа засах гэх мэт ажлууд тогтмол явагддаг учраас жилдээ дор хаяж 1 удаа шинэчлэл хийлгэдэг байх хэрэгтэй.
Modified at 2025-02-25 02:08:32