Бүтээгдэхүүн хөгжүүлэлтийн баг хэрхэн ажилладаг вэ?

Манай бүтээгдэхүүн хөгжүүлэлтийн багууд нь бизнесийн байгуулагуудын үйл ажиллагааны чиглэлээс хамаарч ялгаатай програм хангамжуудыг хөгжүүлэх байдлаар тусдаа ажиллаж байна. Үүнд: Core буюу санхүү, хүний нөөц, BI системийн хөгжүүлэлтийн баг, Distribution буюу бөөний борлуулалттай холбоотой системийн хөгжүүлэлтийн баг, Retail буюу жижиглэн борлуулалттай холбоотой системийн хөгжүүлэлтийн баг, Restaurant Hotel буюу зочлох үйлчилгээний салбарын системийн хөгжүүлэлттэй холбоотой баг, мөн манай дотоод суурь технологитой холбоотой хөгжүүлэлтийн баг ажиллаж байна.
Тухайн нэг систем дээр сар бүр тодорхой хэмжээний хөгжүүлэлтийн ажлууд хийгдэж шинэ хувилбараар харилцагчид очдог.

Бүтээгдэхүүн хөгжүүлэлтийн төрөл нь дараах 2 байдлаар хуваагддаг:

Харилцагчийн санал хүсэлтээр

Манай харилцагч байгууллага нь өөрсдийн эрхээр support системээрээ нэвтэрч өөрийн ашигладаг системтэй холбоотой санал хүсэлт илгээх боломжтой байдаг. Тус хүсэлтийг хөгжүүлэлтийн баг нь хүлээж авч хөгжүүлэх эсэх, хэрхэн хийх талаар хэлэлцээд хариу өгдөг.

Судалгаан дээр үндэслэж хөгжүүлэх

Олон улсын томоохон ижил төстэй системүүдийн судалгааг дотооддоо хийж, тухайн бүтээгдэхүүний ирээдүйн хөгжүүлэлтийн roadmap-ийг тодорхойлох ажлыг жил бүр тогтмол хийж, түүний дагуу хөгжүүлэлтийн ажлуудыг гүйцэтгэдэг.